დიქტატურა
გამომცემლობა სიესტა
პროკურორი, მოსამართლე, ჟურნალისტი, ლამარა და ბუზი - ეს იმ არდასახელებული ქვეყნის ერთდროულად უბედური და ბედნიერი პერსონაჟები არიან, რომელთა დატევაც ბასა ჯანიკაშვილმა ერთი რიგითი და კანონმორჩილი პროკურორის კაბინეტში მოახერხა. ამ კაბინეტში დიდი ამბები ხდება: უცოდველობისაგან დამძიმებული ადამიანების კათარზისი, შიშის ზეობა და ჯერ არ დაშვებული დანაშაულებისთვის თვითგვემა. მკაცრი მსაჯული კი თავად ბრალდებულია. ამ სივრცეში უბედურების განცდაც დანაშაულია და ტოტალური ბედნიერება – აუცილებლობა. პერსონაჟები შიშისაგან იტანჯებიან და ერთადერთ გამოსავალს დანაშაულის გრძნობაში ერთგვარ თვითიძულებით კათარზისში ეძებენ. კათარზისი ჯერ მისაღწევია და იმ მიზანს მოქმედი პირები თავისუფლების ნებაყოფლობით შეზღუდვაში ხედავენ...
2009 წლის BBC-ის რადიოპიესების საერთაშორისო კონკურსის გამარჯვებული რადიოპიესა.
- ყდა
- თავფურცელი
- დიქტატურა
