ყოველთვის ყველაფერი მშვენივრად არის
გამომცემლობა აგორა
მთარგმნელი ქეთევან კიკნაძე
თარგმანი გერმანულიდან
იულია ვებერი თანამედროვე გერმანულენოვანი შვეიცარიელი მწერალია. იგი 1983 წელს დაიბადა მოშიში, ტანზანიაში. 1985 წელს ოჯახთან ერთად ციურიხში დაბრუნდა. მან შეისწავლა ფოტოგრაფის ასისტენტის ხელობა და დიზაინის სფეროში პროფესიული ხარისხი მიიღო. 2009-2012 წლებში სწავლობდა მხატვრულ წერას შვეიცარიის ლიტერატურის ინსტიტუტში ბილში. 2012 წელს დააარსა ლიტერატურული სამსახური (www.literaturdienst.ch). ასევე, თანადამფუძნებელია აქტივისტ ხელოვანთა ჯგუფის „ლიტერატურა იმისთვის, რაც ხდება“ და ქალი მწერლების კოლექტივის RAUF. წერს გაზეთებისა და ჟურნალებისთვის, თეატრალური დადგმებისა და ანთოლოგიებისთვის, აგრეთვე რადიო SRF 1-ისთვის. მისი პირველი რომანი „ყოველთვის ყველაფერი მშვენივრად არის“ აღინიშნა ფრანც ტუმლერის ლიტერატურული პრემიით, ალფრედ დიობლინის მედლით, კონრად ფერდინანდ მაიერის პრიზით. „ყოველთვის ყველაფერი მშვენივრად არის“ უცნაურად სევდიანი რომანია, რომელიც ფაქიზი იუმორით შთამბეჭდავ ამბავს ჰყვება: ცხოვრების ხალისის დაკარგვაზე მოწესრიგებულ სამყაროში და იმაზე, თუ როგორც ცდილობს ორი ბავშვი, ამას თავისი საკუთარი ლოგიკით გაუმკლავდეს. ანაისის და ბრუნოს სახით იულია ვებერს და-ძმის უაღრესად ამაღელვებელი წყვილი შემოჰყავს ლიტერატურაში.
- შიგნით
- მარია
- გარეთ
- დედა
- გაქრობა
- არაფერი
- სამყარო
- ნახატები
