თანამედროვე ავსტრიელი მწერლის, ანა მითგუჩის, რომანი, „როცა დაბრუნდები“ (2010) – ესაა სიკვდილის გადასახედიდან შეფასებული ცხოვრება და მისი მთავრი ძარღვი – სიყვარული. აღსანიშნავია, რომ ამ ნაწარმოებმა ლაიფციგის ბაზრობაზე საუკეთესო რომანის პრიზი მიიღო. რომანის სიუჟეტური ქარგის მიხედვით, მთხრობელი ქალი, ქმრის გარდაცვალების შემდეგ იწყებს განვლილი წლების შეფასებას. „მკვდარი“ ჟერომი ცოცხალ ახლობლებს, მეგობრებს აქამდე უცნობ სამყაროში შეუძღვება და მკითხველიც მოგონებების ბილიკებზე დაეხეტება მთხრობელთან ერთად, რათა ბიბლიურ სიბრძნეს: „ამაოება ამაოთა და ყოველივე ამაოს“ – კიდევ ერთხელ ეზიაროს. ადამიანურ ცხოვრებას კი დასაწყისიც აქვს და დასასრულიც. სწორედ ამ დასასრულის გადაწევის ილუზიით იწყება თხრობა, რომელიც ცოლ-ქმარს გვაცნობს. სიკვდილთან მიახლოება ადამიანის ასაკის მატებასთან ერთად უფრო სერიოზული ხდება, ამიტომაც არის, რომ, როცა ჟერომმა ერთ შეხვედრაზე სიკვდილზე მწარედ იხუმრა, მხოლოდ ერთმა გოგონამ გაიცინა, ამიტომაც აღნიშნა ჟერომმა: „ის ჩვენ შორის ერთადერთია, რომელიც ჯერ კიდევ თავდაჯერებულად გრძნობს თავს და შეუძლია სიკვდილზე იცინოს“.
- ყდა
- თავფურცელი
- I. აპრილის ერთი დღე
- II. მაისის სამი დღე
- III. გლოვის კვირა
- *
- IV. ოცდამეათე დღე
- *
- *
- *
- V. პირველი წელი
- VI. წელიწადის დრო
