ამ პატარა წიგნში მკითხველი გაეცნობა რობერტ ვალზერის ორ ულამაზეს მოთხრობას, სადაც მწერლის ხასიათი და შინაგანი ბუნება არაჩვეულებრივად შეიცნობა. რობერტ ვალზერმა ბოლო წლებში ფსიქიურად დაავადებულთა კლინიკაში გაატარა. მას ძალიან უყვარდა ბუნებაში გასეირნება. სიკვდილიც უჩვეულო ჰქონდა, ერთ დღეს, სეირნობის ჟამს, თოვლში ხის ძირას მკვდარი იპოვეს.
ვინ იყო რობერტ ვალზერი? რობერტ ვალზერის მთელი შემოქმედება, უპირველესად, მშვენიერების დანახვასა და შეგრძნებაში ეხმარება მკითხველს. მისი ნაწარმოებების მაგიური ძალით მკითხველი გარდაიქმნება და სხვა მზერა, უხილავის დანახვის უნარი უჩნდება.
რობერტ ვალზერი (1858-1956) შვეიცარიელი გერმანულენოვანი მწერალია, მსოფლიოში აღიარებული და დაფასებული. ქართველი მკითხველი მის შემოქმედებას უკვე იცნობს მაია მირიანაშვილის თარგმანებით („გასეირნება“, „იაკობ ფონ გუნთენი“, „მარია“ და „თანაშემწე“). აგრეთვე, დოკუმენტურ-მემუარული ყაიდის წიგნს „ხეტიალი რობერტ ვალზერთან ერთად“, რომელიც ცნობილმა მწერალმა და მეცენატმა კარლ ზელიგმა დაწერა. ცნობილია, რომ რობერტ ვალზერის რომანებით აღფრთოვანებული იყო ფრანც კაფკა, რომელიც დიდი ენთუზიაზმით ლაპარაკობდა მათ შესახებ, როცა კი შემთხვევა მიეცემოდა. ჰერმან ჰესე კი წერდა: „რობერტ ვალზერის შემოქმედებას რომ ყველა იცნობდეს, ალბათ, სამყარო უკეთესი იქნებოდა“.
- ყდა
- თავფურცელი
- * * *
- გასეირნება
- მარია
