კალათა

დეტალურად

პოსტმოდერნული რომანი. ჰიპერრომანი. მეტარომანი. ათასნაირად მოინათლა კალვინოს ეს წიგნი გამოსვლისთანავე. მკითხველი მინიშნებას, დახმარებას, ინტერპრეტაციის გასაღებს, მწერლის განზრახვას ეძებს ამ წიგნში, გზას, რომელსაც დაადგება, ამბავს, რომელსაც დაამთავრებს. ცდილობს, გაუმკლავდეს ამ უცნაურ ენობრივ და სტილისტიკურ თამაშს, გამოაღწიოს დაწყებული, ერთმანეთში გადამავალი და უკვალოდ გამქრალი ამბების ხლართიდან, არ შეეგუოს აზრს, რომ მის ცნობისმოყვარეობას დაკმაყოფილება არ უწერია. დაბოლოს, როცა წიგნს ხურავს, ხვდება, რომ იმ გზის გასავლელად, იმ წრედის შესაკრავად სულაც არ ყოფილა აუცილებელი ამბის დასრულება. მეტიც: ისიც კი არ ყოფილა აუცილებელი, ამბავს დასასრული ჰქონოდა... იტალო კალვინო (1923-1985) თანამედროვე იტალიური ლიტერატურის ერთ-ერთი ყველაზე მნიშვნელოვანი ავტორია. იტალიური პოსტმოდერნული პროზა სწორედ კალვინოს რომანებით იღებს სათავეს. მსოფლიო მკითხველისთვის კალვინო ცნობილია ტრილოგიით „ჩვენი წინაპრები“, რომანებითა და კრებულებით „მარკოვალდო“, „ობობის ქსელის ბილიკები“, „უხილავი ქალაქები“, „თუ ზამთრის ღამით მოგზაური“, „კოსმოკომიკური ამბები“, „იტალიური ზღაპრები“ და სხვა.
  • I
  • თუ ზამთრის ღამით მოგზაური
  • II
  • დაბა მალბორკის შემოგარენში
  • III
  • ციცაბო კლდიდან გადაიხედავს
  • IV
  • არ უშინდება ქარსა და თავბრუსხვევას
  • V
  • ჩახედავს უფსკრულს, სადაც ჩრდილები მუქდებიან
  • VI
  • გადახლართული ხაზების ქსელში
  • VII
  • ურთიერთგადამკვეთი ხაზების ქსელში
  • VIII
  • ფოთლების ხალიჩა მთვარიან მდელოზე
  • IX
  • პირდაფჩენილი ორმოს კიდეზე
  • X
  • რომელი ამბავი ელის მანდ დასასრულს?
  • XI
  • XII